白雪堡壘

話說前日政府+私家同日產檢，所以在健康院檢查後便接anson放學再去私家「睇bearbear」；
離開學校，母子坐小巴前往沙田，慈母萬叮千囑anson要「頂住」（眼訓），因為唯母「頂唔住」（抱起熟睡的他）；
下車前10分鐘，anson果然頂不了：「mama我好眼訓...你落車叫我起...身...丫...」說罷隨即截電....唉...
呼叫無門（baba還在火車上），待所有乘客下車後，只好在anson耳邊喃嘸阿隬陀彿 ，得菩薩保佑，anson奮力睜大雨點眼睛，使勁彈起來下車，眼見他強忍倦意往商場方向走，慈母十分感激，多謝anson給笨重mama的體諒和遷就。
踏入診所後見到baba，anson已經倦意全消，姑娘說我前面還有十來個籌，需等候起碼個多小時，於是我便打算到洗手間留小便後到樓下一田逛逛；
脫低大褸後，慈母便拿著紙杯仔轉身～走；
此時，anson跑上前高18度說：「mama我陪你去丫！」
我：「唔駛啦mama自己去得架啦～」
anson：「唔係呀我陪你丫，我要幫你開門呀因為我怕你撞親，你開唔到門架啦因為你有BB丫嘛，我要照顧你同細佬，你要慢慢行小心D先得架（下刪十數字。。）」
此時，我看到全場（！）不論是在呆看孕書雜誌的大肚婦人，抑或是忙著登記量血壓的姑娘小姐，無不向我投以最艷羨的目光，想不到我由細到大最夢寐以求想得到的＂香港小姐奪冠再接受全場祝福＂式眼神，會在我陀第二胎的35週時得到，wahohohohohohohohohohohohoho~~~~~~~~~~~~~~~~~
 
 
anson曾無數次對慈母說：「我最中意你~」
anson曾無數次對慈母說：「我最中意mama 同 bearbear~」
anson曾因為慈母被baba捽頸（因為訓泥頸）叫痛而心痛，大喊喝停baba：「你唔好咁呀！！（怒！）」然後再用溫柔的小手輕揉慈母頸項。
anson曾無數次抱著慈母的大肚肚親吻。
anson不時早上會擁著慈母和bearbear說：「I love mama, I love bear bear」
anson曾說：「mama第日你要錫哂兩個人，我同埋bearbear」
每次慈母發出＂哎呀＂聲，anson就會關心地問：「係咪BB踢你呀？」
追巴士，anson上車後會按住車門＋雙眼憂心地，直至慈母安全上車後才放心行入車廂。
下火車，anson總是著緊地拉慈母離開車廂。
anson曾在病榻時主動向baba提出要到火車站接慈母～

還有一堆蝦米哥哥曾對粉絲許下的承諾；
「嗱！第日你地（父母）唔可以搞BB，因為我會餵佢食奶奶同埋幫佢沖涼架喇！」
「baba不如你第日換架跑車（兩座位）啦！」「唔夠位坐個喎～」「我坐mama度，BB我抱住咪夠囉！」
「第日BB痾ngng我會拎定紙巾，等佢痾完幫佢抹patpat」
「如果BB搶我啲車車我會叫佢唔可以，要問過人地先得！」
「如果係弟弟我就比車佢玩，妹妹就比hello kitty佢玩 」「story book 同奶奶就大家sharing」
得知bearbear出世後兩父子可能要搬到anson房訓，anson聽後說：「唔得！我夜晚要照顧bearbear架嘛！」
「我第時真係好忙，又要餵奶奶啦～又要換片片～又要講故事～又要教abc123～又要推BB車～丫呀....真係好忙！」
實在太多，不能盡錄～
 
曾經聽說，他日bearbear出世後，慈母有可能會因為阿gor的愈幫愈忙、過度關心、過份熱情和許多許多的好心做壞事而感煩厭；
所以慈母今日必須要自己好好記著（握拳！！），anson曾經有因為mama和bearbear而如此細心關懷、曾經許下呢大堆承諾和情話，對大對小皆照顧有加；
誠邀各卜友做証。


anson和bearbear的自拍照。